Super Paper Mario

Røyrleggjaren med tung bart og kjeledress er tilbake i Super Paper Mario (SPM). Underteikna er ein av dei (heldige) som fekk spelet i postkassen dagen før den offentlege lanseringa i EU fredag 14. september. Slik er det med førehandsbestilling nemleg. Og det er ingen grunn til ikkje å skryte uhemma av dette spelet. Så langt oppfyller det alle forventningar. Dette er ei sjarmbombe av eit spel for Wii, og det beste sidan The Legend of Zelda: Twilight Princess. Også her viser Nintendo at dei er i stand til å tenke nytt innan innovativt gameplay, spesielt med tanke på vekslinga mellom 2d og 3d. Super Mario World (snes) og Super Mario 64 (n64) har smelta sammen med rpg-element i SPM, og dersom du står fast i 2d kan du svitsje til 3d og komme eit steg vidare. Du speler som Mario, princess Peach, Luigi og Bowser, og alle har forskjellige eigenskapar som du må gjere bruk av for å komme deg ut av knipa.

Dragon Quest for Wii takk!

Den neste versjonen av Dragon Quest bør bli eit Wii-spel. Ok, så det har eg ingenting med. Men likevel er det akkurat slike produkt som manglar til Nintendo sin konsoll. Kjem "snart" tilbake med meir.

Godt mytologisk grunnlag

Og då er dette sveiva i gang med følgjande spørsmål: Er ikkje norrøn mytologi god nok til å danne basis for eit rpg- eventyr?

Stadig spelegal

Det er altfor lenge sidan, men no er eg tilbake. Grunnen til det lange fråveret er at eg rett og slett har vore oppteken med andre ting enn å skrive blogg. Det har dessutan teke meg litt lang tid å bli kvitt ein viss personleg motstand mot det å skulle skrive internettdagbok liksom. Men etter å ha tenkt over det, har eg kome til at det slett ikkje er så dumt å prøve. Det verste som kan skje er vel at nokon kunne kome til å lese det, ikkje sant?
Så til poenget: Eg har opplevd to av Sqare Enix sine spel, og har derfor ikkje hatt tid til å skrive. Den absolutt største RPG-opplevinga mi til no er Final Fantasy XII. Det går mest i Dragon Quest for tida, nemleg The Legend of the Cursed King, så Wii'en har ein pause og ventar på eit skred frå Nintendo til hausten. Ellers så var det siste Harry Potter ein stor nedtur, kanskje mest fordi at eg ikkje er så veldig fan. Meir positivt var det jo med God of War 2, så gamle gode PS2 held koken bra.

Wii Sports: Tennis mest holdbart

Tennis i Wii Sports er den beste greina i denne sporten, som har fått ei rekke husmødre av begge kjønn opp av godstolen og ut på golvet. Det blir interessant å sjå kva som kjem på denne konsollen framover. Sjølv har eg oppdaga at også baseball er brukbar kondisjon. For stovegolvet. I dag er det sjanse for å få prøvd å spele med to wiimotes samtidig på min konsoll. Du kan lese meir om den opplevinga her seinare. Og så er heimesida mi her. Det vil komme noko meir der etterkvart, så berre heng med om du vil.

Røyk ut, spill inn

Det er i dag eitt år sidan eg slutta å røyke. Det har eg faktisk spart mykje pengar på, så mykje at eg har hatt råd til å kjøpe spillemaskiner. Det blei ps2 i fjor sommar, og i vinter kom det ei blank og fin nintendomaskin i stova. Eg er gjennom Zelda - Twilight Princess. Ganondorf fekk svi sist torsdag.
Og det er spill det skal dreie seg om her. Wii er ei fantastisk spillmaskin. Det er difor eg har fått meg blogg. Veit ikkje om det blir noko her kvar dag, men kanskje.